Över Plattdüütsche Keuk
Eten un Drinken hollt Liev un Seel tosomen. Dat weet wi Plattdüütschen
good. De, de good arbeid, de schall ok düchtig eten. Op düsse
Sied kreegt ji wat to weten, woans dat geiht met dat Koken. Iersmol wat över
Labskaus, anner Saken kümmt met de Tied.
Dat is een Gericht, dor kann ik op af. Gifft jo Lü, de meen, dat
kiekt rinn as rut ut. Stimmt nich. Is man so, dat een nich so veel met
sien Teihn moken mutt. Un kanns dorum mehr freten as wenn Du ierst all´ns
met ´n Meß snieden mutts.
Wat is Labskaus? Dat is ´n ool Gericht vun See. Alln´s wat Du
bruuks, hollt sick good över Weeken. Un wen Du seekrank warrs, denn
hess tominns nich umsünst kaut. Un ok uns Nahwers in Denmark un
Sweden kennt dat. So is dat just ´n Stück internatschonaal Keuk.
Wat bruuks för Labskaus?
För veer Lü |
Woans geiht dat? |
- 1 Kilo Kantüffeln. De warrd stampt. Kanns ok Kantüffelmus
nehm.
- 1 Pund Pökelfleesch (kanns ok Corned Beef nehm. Un ok dat
Dosenfleesch vun de EG, wat vun den Rindfleeschbarg kummt).
- 1 Zibbel
- Öl
- Suur inleggt Gurken. Köönt ok seutsuur Gurken sien
- Rode Beete (inleggt)
- Hering: Rullmops, Bismark oder ok de dänschen seuten Hering.
Wahrschau: Kümmt jümmers blangenbi un ni nich mittenmang!
- 4 Eier (de kümmt as Spegeleei baben op)
|
- Kantüffeln schälen un koken, bit se week sünd.
- Gurken un Rode Bete in lütte Stücken sneden. Man nich
all´ns, mutt noch wat för de Dekoratschoon blieven.
- Fleesch to Mus drücken
- De Zibbeln in lütte Stücken sneden
- Kantüffeln rutholen un to Mus stampen.
- Öl in ´n grote Pann oder ´n groten Pott. Denn op´t
Füer doon un heet moken
- Zibbeln in de Pann un glasig warrn loten
- Fleesch in de Pann un anbroten
- Dat Füer lütt stelln.
- Gurken un Rode Beete (nich allns) in den Pott met Zibbeln un
Fleesch.
- Kantüffelmus dorto
- Warm holln un af un an dörröhrn. Nu hess Labskaus in´n
Pott.
- Spegeleier moken (in de Pann).
- Labskaus op de Deller dohn. Nu hess ´n Labskausbarg.
- 1-2 Gurken un Rode Beete blangenbi leggen.
- de Hering kümmt half blangenbi un half op den Labskausbarg.
- Baben op den Labskausbarg kümmt dat Spegelei
- Fardig. Nu kanns Freten as dull.
|
Na Baben - to the top
Wat bruuks för Bohn, Beern un Speck? |
Woans geiht dat? |
- smeukten, dörwassen Speck
- Buukfleesch
- lütte, harte, greune Beern
- greune Bohn
- Bohnkruut
- Peersill
- Salt un Peper un Zucker
|
- Speck un Buukfleesch een Stünn kloken.
- Beern rin
- 20 Minuten afteuben
- Bohn un Bohnkruut rin
- Koken, bit de Bohn gar sün
- Met Zucker, Salt un Peper afsmecken
- Water afgeeten
- Allns op 'n Platte don
- Peersill op to'n scheunmoken
|
Na Baben - to the top
De een meent, dat Aalsupp dorvun kümmt, dat dor Aal binn is. De
anner meent, dat dat dorvun kümmt, dat aalns binn is. Ik gleuv, beid
hebbt recht. Un wenn dor good Aal binn is, denn is ok aalns binn.
Wat bruuks för Aalsupp? |
Woans geiht dat? |
- een Schinkenknaken met good Fleesch an
- dicken Aal (so eenuneenhalf Pund)
- 3 l Water
- half Pund Arften (vörher een Natt inweeken)
- half Pund Woddeln
- halven Sellerie
- een Peersill-Woddel
- een Porree
- een Pund Backbeern un so: dröögte Appelring, Beern un
Plummen
- Krüder: Bohnkruud, Majoran, Thymian, Peersill, Estragon,
Dill, Kerbel, Suuramper
- achtel Liter Eddig
- een groten Lepel Zucker
- lütt beten Salt
- Mehl, Botter un Salt för de Klüten
|
- Backbeern in hitt Water inweeken (noch beter is in Rodspoon)
- Schinkenknaken een Stünn utkoken, Fleesch afmoken.
- Greuntüüch rin.
- Krüdder rin.
- half Stünn koken.
- Eddig, Salt un Zucker rin. Afsmecken.
- Aal in Stücken sneden un rin.
- Mehl, Botter un Salt tosomen manschen, denn dorut de Klüten
moken.
- Klüten in de Supp.
- op lütt Füer trecken laten, bit de Klüten klor sünd
- Fardig, Freten.
|
Na Baben - to the top
http://www.plattmaster.de
