Na Plattmasters Homepage

Plattmaster
över Plattdüütsch


Webkort
Mail man den Plattmaster an

Bruukbor Krom Uns Spraak to´n Lesen un Kieken
Plattdüütsche Links
Nieg!
dat lüttje Wöörbook Riemels un Vertelln
Börgervereen - Links Worüm Platt ´n egen Spraak is Billers ut dat ole Hamborg
Plattdeutscher Ring Plattdüütsch Grammatik 1 Laudatio Bardörpensis
Hilfe, ich kann kein Platt Plattdüütsch Grammatik 2
Plattdüütsch Grammatik 3
Plattdüütsch Keuk
Seuken Wöörlist Platt-English-Deutsch-Anglo-Saxon
Die Nordsee-Wörterliste
Plattdüütsche Leeder
Plattdüütsch Historie Hilfe, ich kann
kein Platt

Plattdüütsch - Spraak oder Dialekt?

hochdeutsch - plattdeutsch - english

Een Resoneern vun Plattmaster över den Status vun uns Spraak

Plattdüütsch - de Weg dal

Dat weer lang een Stried, wat Plattdüütsch nu een eegen Spraak oder blots ´n Dialekt is. Dat keem wohl ook dorvun, dat dat twors 'n Barg plattdüütsche Böker gifft, man keen Duden. Dat hett wohl ´n Slag Vörslä geeven, obers keen een hett sich dörsett. (Hett ook sien Goodet, üm so´n Stried as över de hoochdüütsche Rechtschrief-Reform sünd wi um rum kamen.
In´t Medeloller weer jo de Hanse-Tied. Dormols weer Platt ´n lingua franca un de Lüü hebbt ok in Norwegen un annerwegens Platt snackt, wenn se an´t verhanneln un hökern weern. Un ook de Politik un de Dokumentens weern op Platt.
Man denn weer de Tied toenn. Plattdüütsch weer vör all´ns de Spraak vun´t gemeene Volk. So wöör denn Platt so bruukt as in´n Süden de oberdüütschen Dialekten. De feinen Pinkels un de Obrigkeet holln sick an´t Hochdüütsche. Un wenn denn dat gemeen Volk dat verseuken dee, denn keem dor Missingsch rut - ´n Spraakform mit hochdüütsche Wöör un plattdüütsche Grammatik. För de Hochdüütschen hett sick dat bannig falsch anheurt. Platt kreeg dat Anseehn, dat platt snacken to een slecht Hochdüütsch feurt. Platt hebbt se nu as Dialekt ankeeken, de för de Hochdüütschen nich to verstohn is. De Öllern hebbt sick nu anstrengt, tohuus blots keen Platt to snacken. Platt weur jo Gift för de hochdüütsche Spraak vun de Kinners. De schööt jo "wat Beters" warrn un dorför - so meen de Öllern - döcht plattdüütsch nich.

Konträre Lööp

Grod in dat twintigste Jorhünnert geef dat twee konträr Lööp

Un an´t Enn vun´t 20. Johrhunnert hebbt se Plattdüütsch in de Europäisch Charta vun de Regionol- un Minnerheetenspraaken opnahm. Nu is Plattdüütsch ook offiziell un internatschonal een eegen Spraak.

Wat mookt nu Platt to een eegen Spraak?

Op de anner Sied gifft dat in´n Westen un Süden Övergäng na de medeldüütschen (fränkschen) Dialekten un na de hollandsche Spraak. Dat gifft dat bi de Wöör un in de Grammatik. Nich ganz so klor is dat obers ook in´n Norden un Nordosten to finn as Övergäng na't Dänsche un Schwedsche.

Klor is obers, dat de plattdüütschen Dialekten - ook över fiefhunnert Kilometer weg - so gliek sünd, dat ´n Mekelborger, een Holsteener, een Ostfrees un een Grunnenger fein op platt parleern köönt, ook wenn jedereen sien Dialekt snackt. Obers mit ´n Swietzer, Swaben, Tiroler oder Baiern geiht dat nich - in'n Gegendeel: Sülvs ´n Hollandschen un´n Plattdüütschen köönt sick beter verstahn, wenn jedereen sien Spraak snackt as'n Plattdüütschen un'n Baier. Dat is de praktische Bewies, dat Plattdüütsch 'n eegen Spraak is.


Na Baben - to the top

http://www.plattmaster.de